2017年3月28日 星期二

保護資產速換美元

林鄭月娥當選下屆特首之後,《明報》李先知專欄文章指出:「有建制人士表示在『兩會』後已經有指中央對王冬勝任財政司長開綠燈,亦流傳即使他曾為曾俊華向中央呈交有意參選特首的信件,仍然得到中央信任。」[1]


王冬勝
王冬勝喺一四年底已經建議業界研究人民幣全面取代港元嘅可行性,「稱有三個方向可以研究,包括港元跟美元脫勾,完全自由浮動;港元與人民幣掛勾(若人民幣將來可自由對兌);以人民幣完全取代港元。他表示,對何種方向未有傾向,希望業界研究討論。」[2]其實業界亦無從討論,因為以人民幣取代港元,似乎係中共國策。自一三年以來,中共嘅「國務院」已多次討論,而且有埋時間表,預計喺二零年就可以推行。[3]外間可以討論啲咩呢?王冬勝話「有三個方向可以研究」,其實並冇三個方向,只有三個步驟通向一個唯一嘅方向,所謂對何種方向未有傾向」只係空談,幫自己戴定頭盔而已。由於實際上唔會有任何討論空間,故此亦唔見業界嘥時間去討論。
稱有三個方向可以研究,包括港元跟美元脫勾,完全自由浮動;港元與人民幣掛勾(若人民幣將來可自由對兌);以人民幣完全取代港元。他表示,對何種方向未有傾向,希望業界研究討論。
- See more at: http://news.memehk.com/posts/%E7%8E%8B%E5%86%AC%E5%8B%9D%EF%BC%9A%E7%A0%94%E7%A9%B6%E4%BA%BA%E6%B0%91%E5%B9%A3%E5%85%A8%E9%9D%A2%E5%8F%96%E4%BB%A3%E6%B8%AF%E5%85%83#sthash.oUQOoELM.dpuf

中共喺咩時候會用人民幣取代港元呢?除咗《基本法》講明一國兩制會喺二零四七年終止而港元會廢除之外,中共亦會睇實際需要同取消港元嘅後果,衡量利害之後先致會行動,所以,小市民亦要花啲時間猜吓用人民幣取代港元對中共嘅利弊,從而估計你副以港元計價同儲存嘅身家有幾耐命,只有牛馬先會識做嘢唔識死。

先講吓取消港元嘅後果

一、香港嘅發鈔權取消,你只能用中共印嘅人民幣,你亦無從得知中共印咗幾多人民幣,而以印鈔搶劫民間資產已經成為中共慣常嘅做法,高通貨膨脹係必然結局。

二、香港利率由中共操縱,唔再由銀行公會因應香港實際需要而決定。即係香港嘅實際經濟需要唔可以透過以調節利率作貨幣政策上嘅操作應對,要香港嘅經濟需要遷就中國甚至只係中共嘅經濟需要,實際上係收縮香港嘅自治權。

三、港元嘅支柱係外匯基金,理論上港元只係美元喺香港嘅代用幣,就好似賭場嘅籌碼、遊樂場嘅代用幣一樣。取消港元之後,外匯基金就唔使再支撐港元,可以作其他方面嘅投資,例如:好穩健又回報高「中國國債」。 

四、你以畢生精力買嘅嗰層樓唔再以港元計價,而係以人民幣計價,你終於可以分享到做一個中國人嘅光榮,我真係恭喜你呀﹗﹗

五、如果人民幣因發行過多而下跌,由於香港大部份消費品尤其係食物靠外國進口,所以會瘋狂加價,到時有錢人先可以食進口食品、用外國貨,窮鬼包括沾沾自喜嘅中產只能好似大部份新中國人一樣食中國嘢用中國嘢,你又一次分享到做一個中國人嘅光榮,我真係恭喜你呀﹗﹗

講住呢五點先,已經夠晒驚嚇,如果你諗到其他,歡迎補充。

再講吓取消港元對中共嘅利害

一、上邊講過,只要取消港元,就可以將香港致於死地。既收咗你嘅財權,亦呃晒你啲外匯基金。香港之所以可以有「一國兩制」,係因為香港喺九七前有錢,又有洋人撐腰,點都要畀返幾分薄面;只要搞到你窮,甚至搞到你靠佢開飯,你就自己跪低,所有之前講嘅嘢可以唔算數,亦唔使再喺你面前做戲。呢個係中央政府消滅地方勢力嘅慣用法,萬試萬靈,就算係以前有東方巴黎之稱嘅上海,一樣係一夜熄燈,從此喺文明世界裏面消聲匿跡。如果香港繼續有錢,而中國經濟又走下坡,咁「分裂勢力」一定會更加「猖狂」。「消滅於萌芽狀態」係「維穩」最低成本做法,點會唔做?

二、當然,中共同埋佢地啲狗官都有好多資產喺香港,佢哋完全意識到資產以港元計價即係以外幣囤積咗資產,非常安全。取消港元,就少咗一個國外嘅避風塘;所以,好有理由相信,佢哋會將手頭上嘅資產向香港嘅銀行抵押套取港元再換成外幣調走之後先會推行以人民幣取代港元嘅政策。王冬勝話:「中央有意在2020年前將上海打造為國際金融中心,因此可視2020年為人民幣自由兌換的指標。他認為,現在是適合時間去討論港元的定位問題。」[4]時間亦與《動向》雜誌所講嘅吻合。即係如無意外,中共會喺三年之內完成呢類資產轉移。

除上述兩點之外,當然會有其他考慮,但係講兩點已經夠驚心動魄。

小市民點樣喺取消港元政策之下自保

一、唔好買樓。不動產係長線投資,香港已經冇任何長線投資嘅價值。發展商越係用盡旁門左道急於賣樓套現,我越係聞到陣陣燶味,聞到燶味嘅唯一自救方法係立即走人,而唔係買嘢。當情況緊急,再賣樓套現好困難,就算有人買,都一定畀人殺價。

二、得閑就換定美金現鈔,唔好後知後覺見到銀行大排長龍先致換,太遲。喺中國嘅情況係限你每年換五萬,而且銀行職員通常話冇現鈔,要約期。唔好以為開美元或其他外幣戶口就好安全,緊急關頭你未必攞得返啲錢,親生仔不如近身錢,我講嘅係換美元現鈔,係現鈔﹗現鈔﹗現鈔﹗﹗

三、平時支出用八達通搭信用卡,唔好保留太多港元,亦唔好留太多錢喺銀行戶口,只要出糧後期期找清卡數就冇問題,保持你爭銀行錢而唔係銀行爭你錢嘅良好習慣。


四、除咗美金之外,金銀都係唔錯嘅選擇,我講嘅當然唔係強國出嘅熊貓金幣或唔知乜紀念幣啦,而係英美澳加等國出嗰啲。

五、準備好護照,最好係外國護照。BNO係英國護照,只係一種冇居英權嘅二等公民英國護照,全世界咗「偽中華人民共和國」之外,其他國家都承認。次等選擇只能夠攞「香港特區」護照,呢本係中國護照,全世界都會視持有人為中國人,務必注意。護照有咩用?就係如果你有一日不幸要做難民話,外國政府要識別你嘅身份,唯一憑據就係護照,所以唔好再相信「護照只係旅行證件」呢啲邪說。又如果你去嘅國家要遣返難民嘅話,持BNO者只能遣返英國,持「香港特區」護照者就只能遣返「中國香港」。你要多謝邊個好呢?當然係九七淪陷前支持「民主回歸」嘅司徒匪華同支教民啦。願司徒匪華永墜地獄﹗願支教民全體仝人都落地獄﹗


[1] 《明報李先知:財爺人選王冬勝傳已獲中央點頭》,見2017年3月27日《明報新聞網》。 
[2] 《王冬勝:研究人民幣全面取代港元》,見2014年10月31日《謎米新聞》。 
[3] 見2015年5月《動向》。參考附圖。
[4] 《王冬勝:可考慮將人民幣全面取代港元》, 見2014年10月31日《852郵報》。

42 則留言:

  1. 一國一制, 當然也是一個一幣. 順理成章就是一個一護照. 到這一天, 也是"香港人"身份的末日.

    回覆刪除
  2. 如果一個一制,樓市又再起,跌的風氣。

    回覆刪除
  3. 想不通請賜教

    1. 香港會使用人民幣我猜此終會發生,至於會否是法定貨幣 還是好像澳門用港幣一樣就不得而知。但人為地用人民幣取代港幣對中國而言有什麼好處?

    2. 假如全部香港人都聽你所言將港幣換成美金 港幣會變有什麼變化? 聯繫匯率會有什麼變化?

    3. 你是用什麼出發點提出以上建議?" i told you so"?

    3. 你會否打算用BNO逃離開香港?做難民?(我建議你正正經搞移民離開香港,台灣丶西班牙丶日本)

    回覆刪除
    回覆
    1. 1. 文中提到對共產黨嘅利害有兩點,第一點解答咗。
      2. 如果全部香港人都換美金,對聯繫匯率冇重大影響,因為理論上發行港幣係要先按聯繫匯率將美金存入外匯基金,所以,外匯基金可以按聯繫匯率換返美金畀所有港元持有人。
      3. 就係文中涉及嘅各個報導,尤其係《動向》。
      4. 如有必要,一定離開,做難民係其中一個option,我持有BNO。

      刪除
    2. 作者已經移除這則留言。

      刪除
    3. 最少我知BNO係美國當你系偽英國人,我入籍時候只有BNO.我張入籍證書寫我由英籍入美籍,但本美國護照出生地還是寫hong kong SAR.

      刪除
    4. 想指出第二點可能不確,當然發行港幣要有美元支持,但还有銀行體系本身創造出來嘅貨幣(港元)呢?

      刪除
    5. 香港政府和金管局可以抵禦國際炒家沖擊港元,但一定敵不過整個市場(所有市民一起拋售港元)。

      刪除
    6. 覆Hon Kwok:我諗你連國籍同出生地嘅分別都未搞清楚。

      刪除
    7. 覆colm lam:當啲人提取銀行嘅港元換美元嘅時候,銀行體系創造出嚟嘅貨幣港元自然會消失。

      刪除
    8. 但後果嘅好可怕,你話我講得啱唔啱?

      刪除
    9. 覆colm lam:唔可怕,因為我已經換咗美金,甚至準備埋coins。

      刪除
  4. 樓主叫人得閑就換定美金現鈔,咁美國量化寬鬆狂印銀紙,咪又係貶值~

    回覆刪除
    回覆
    1. 現時港元同美金掛鉤, 美國印銀紙, 港元都係一齊貶。

      刪除
    2. 你好似唔太清楚,量化寬鬆原則上已經完結,美國開始回收緊全球美元,呢個係新興市場爆煲嘅主因。而喺量化寬鬆嗰幾年,亦唔見得美元貶值。希望你多啲留意事實。

      刪除
    3. 作者已經移除這則留言。

      刪除
    4. 雖然美國多次量化寬鬆,但係發行貨幣量價值總量仍然比中國正常發行人民幣還要低,
      甚至比好多從未量化寬鬆過國家仲低,即使唔將一次濫印銀紙第三世界國比較(例如非洲南美印度中國北韓),
      就係比起其他先進國家gdp同債務比例,美元家下仲係好安全.

      刪除
  5. 當人仔取代HKD, 樓市和股市最少打6折。

    回覆刪除
  6. 语无伦次!美金就唔会死?误会爆破?你返去读对几年书啦,傻佬!

    回覆刪除
    回覆
    1. 小弟才疏學淺只有金融工程學碩士,真的要讀多幾年才博士。美元係全球自由浮動兼自動對盤之最大市場。永遠只有其他国家爆煲。美元只有行相對地貶值幾多percent 已而。只有泰国在九七金融風暴、08年欧朱五国pigs ,輸到股市和貨幣暴煲。美元永遠做避險之安全地。就算美囯有20萬億債,只要打仗,什麼債都歸零,美元番有仗打必強。小弟不才,但在金融圈打滚數十載。望有啲人真要讀多一点書,看请楚這世界,天外有天,人外有人。不要傻豬地以自已為中心,狗口長不出象牙。令人啼笑皆非。有啲人真要讀多一点点!

      刪除
    2. 美元安全好多,最起碼十三億人口gdp第二中國爆都有排未到三億人生gdp第一嘅美國.
      http://www.ftchinese.com/story/001060510

      刪除
    3. 打簡體字嘅留言水平通常低其他人一大截。

      刪除
    4. 若打仗,美國喺會無事,可憐嘅喺揸住美元或美債嗰啲人。當然,美元應比人民幣安全。

      刪除
    5. 覆colm lam:若打仗,美國會贏,我唔明點解「可憐嘅喺揸住美元或美債嗰啲人」?如果中美兩國打仗,我覺得可憐嘅喺揸住人民幣嗰啲人。

      刪除
  7. 作者已經移除這則留言。

    回覆刪除
  8. 早晚的事 我覺得這樣更方便 以後港人回鄉都不用再換幣
    台灣如果回歸中國 台幣也會換成人民幣

    回覆刪除
    回覆
    1. 我不貪這種方便,因為有更大的不便。

      刪除
    2. 如果要方便點解中國唔直接改用台幣或者港元?英國發展香港百幾年都無威迫香港用英鎊,點解要迫香港廢除自己貨幣?再講歐元咁大個失敗先例,做乜仲要好地地迫我地用人民幣?

      刪除
    3. 覆joe cheng:多個經濟條件唔同嘅地方強行使用同一種貨幣有乜收場,希臘就係最好嘅示範。

      刪除
  9. 有多餘錢換什麼都可以,但香港大部分人都是月光族,也是等死一族,可能月底找卡數也不夠,還學人講將來嗎?

    回覆刪除
  10. 有多餘錢換什麼都可以,但香港大部分人都是月光族,也是等死一族,可能月底找卡數也不夠,還學人講將來嗎?

    回覆刪除
  11. 持BNO是無居英權的二等公民,真係變難民被遣返英國又無權居留。咁即係點呀?搞一輪再遣返香港呀?😦😦😐

    回覆刪除
    回覆
    1. 當發生人道災難而要做難民時,我相信文明社會唔會強制遣返持BNO人士返香港,我估會批部份人居英,英國承受唔到咁多難民嘅話,可能會搵其他英聯邦國家幫助,甚至搵英聯邦國家租地畀港人建國,海外建國係一個唔錯嘅option。

      刪除
    2. 澳洲柏斯同香港同時區,係附近租地建新香港會適 D

      刪除
    3. 時區唔係關鍵因素,我反而想喺無人地帶重新開始。

      刪除
  12. 有錢就用哂去啦 小學雞

    回覆刪除