早幾日金融發展局主席史美倫建議拓展債市[2]，而「一帶一路」又講到真係要實行咁，中間免不了要發債[3]，加上中國國有企業、中央政府、地方政府都有大量負債想搵人埋單，而澳門已經全副身家交晒畀中資銀行「投資」，咁香港還會遠嗎？所以，有理由相信，成個局就係：「全民退保」上馬，即刻有一大筆錢要「投資」增值，咁啱又撞正「中央政府」發債搞呢樣嗰樣，有「中央」喺背後擔保啲債券好穩陣，同你哋香港人買多啲先。
當然，要呃香港人錢又唔止呢樣，各種大型冇用工程、人民幣加入SDR後外匯基金買人民幣及中國債券等等都係。
喺咁大嘅project裏面，左膠亦有佢哋嘅用場，相信左膠當中有共產黨滲透一啲都唔出奇，共產黨點會唔利用一切可以利用嘅嘢呢？所以，當共產黨唔方便出面嘅時候，就用佢地喺社會輿論上做功夫。呢班左膠當唔能夠以理服人之時，就講粗口、話人係五毛、中共走狗等等以圖鎮壓一切反對聲音，再唔係就貼阿婆執紙皮嘅相攻擊唔支持嘅人冇同情心。泛民、左膠成日話佢哋嘅敵人「收共產黨錢」，其實最大可能就係佢哋「收共產黨錢」，呢種係一種宣洩秘密嘅欲望，當人唔講得真相，但係又不吐不快，就會將說話講成反面：一係講反話，一係講人哋做，講完就舒服晒。原理同共產黨成日話人「勾結外國勢力」一樣，正正就係佢自己係一個「勾結外國勢力」而起家嘅政權，就開口埋口話人「勾結外國勢力」。
[1] 左膠喺呢件事嘅嘴臉可以參考2015年12月27日
[2]《金發局建議拓展債市》，見2015年12月18日《蘋果日報》。
[3] 《一帶一路有利香港債市進一步發展》，見2015年8月17日《財經速評》第89號。
圖片說明：唔好畀小人物蒙蔽令你睇唔清全局。
